اعز ناس....... هناااااااااااااااا

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين

ليس كل ما اكتبه تحت اسمي...!!
دائما ترجمة لاحاسيسي.
. وليس كل ما ارسله حكايه عن واقعي.
.__ انما هي ..كلمات.
. راقت لي وقد يحتاجها غيري..!!

صاحبك بالمحبه والمشاعر صدوق
كل شبر ٍ بجسمه من غلاك أمتلا
والله اني عليك من المشاعر شفوق
خايف ٍ تزعل ليا قصرت كلمة هلا
ممتلي منك حب و ممتلي منك شوق
جعلني من مقابل شوفتك ماخلا
خافق ٍ مايحبك مايسمى خفوق
وديرة ٍ منت فيها ماعليها حلا

...واللي ابقوله لك با أبن خضير ....

ماهي خساره لو فديتك بعمرى...

راس الخساره لافقدتك وانا اغليك!!!

----------------------------

الله وكيلك ضااايق حيل صدري ......
والوضع أشوووفه زاايد الضيقه بضيقه ......

أدري ماتدري ماتدري لكن الله يدري ......
إني تحمل فووووق مالا أطيقــــــــه

هذه قصيدة للشاعر راشد بن زميع القحطاني

من زمرة الطاغوت حذراك حذراك
لا تبتلي بجروح يصعب دواها

وإلى مشيت اعرف دروبك وممشاك
احرص على نفسك وخالف هواها

أمّارةٍ بالسوء ما هي بتنهاك
اقبض عليها لين يجلى صداها

اقطع نواياها بدينك وتقواك
هلّل وعند الله سريعٍ شفاها

والعين لا تنظر بها من تعدّاك
المحصنه لو تلتفت لك وراها

اصبر على همّك وغمّك وبلواك
عف وتعفف لا يغرّك حلاها

واترك حرام القوت ما هو بيملاك
كل البطون الجايعه ما ملاها

رشفة حلال اتسد جوعك ومضماك
تسوى مشاريب الحرام وغثاها

النار في جوفك وتصلى حناياك
نار الجحيم تزيد للي وطاها

واحفظ لسانك لا يجرك ويبلاك
اخذ الثمينه لو غلى مشتراها

الهرج ميزانك ويكشف خفاياك
كلمة تعيبك لا تبيّن نباها

صون الكلام وصون نفسك ومبداك
للنفس حشمة لا تفصّم عراها

اصمت مدامك عارفٍ سير مجراك
لا تنقل النّمة وتبحث خفاها

يزول قدرك عند أقرب دناياك
لو هو ولد عمّك حياتك جفاها

واحلم تراه الحلم يرفع مزاياك
هو سيّد الأخلاق هو مبتداها

وصّى به المبعوث ما هو بيخفاك
شفعينا يوم الملاقاة طه

خل الجهل لا تجعل الغيظ ياطاك
ترى الجهل سم القلوب وعماها

وإلى ابتليت ارفع إلى الله شكواك
لا بدّها الأيام تكشف غطاها

اصبر يزين الحظ ويزين مرماك
الله يفرجها ويدفع بلاها

لا تمنع المحروم لا من تنصّاك
الناس لأجل الناس وأحسن عطاها

ابذل لوجه الله والله يجزاك
مثل الغروس اتطيب للي سقاها

لا ضاع معروفك ولا ضاع حسناك
إن كانها لله تلقى جزاها

جارك ولو هو جار تسقيه من ماك
عليه لا ترفع يدينك عصاها

أحسن جوار الجار لو كان يشناك
ترى العرب تحشم كلاب اقصراها

بكره يشد ويكتب الله فرقاك
عساه يذكر جيرتك ما نساها

الظلم شين ويجعل النار مثواك
راع الظليمه عيشته ما هناها

فوقك إله العرش عالم نواياك
ينظر قلوب الناس وش محتواها

يسمع بما تجهر وعارف خفاياك
بأمره شروق الشمس ترسل ضياها

هو عالمٍ غيبك وركّب خلاياك
هو خالقٍ فيك العروق ورواها

والضيف له حقٍ إلى حل بحماك
قلّط ضيوف الله وأكرم لحاها

لا تحقر الضيفان واتشح بغذاك
من ما عطاك الله قلّط عشاها

وعليك باللي حزة الضيق يفداك
لا شانت الدنيا ودارت رحاها

لا من زهمته لو على الموت لبّاك
عيني لجل عينك وروحي فداها

ترى الخوي نبراس روحك وملْجاك
لا كلّحت بقعا وزادت غثاها

حذراك من بعض المخاليق حذراك
بعض العرب ما تفرقه من نساها

تايه وضايع بين ذولا .. وذولاك
فيه الجهالة واصلٍ منتهاها

وسلامتكم،،،

هجرتنا من غير مانعرف ..أسباب.. ماعاد شفنالك مراسيل ..وكتاب..

ان كنت مشغول فهذي لها..باب.. وان كنت زعلان لك الحق ..نرضيك..

وكان المعزه مالها عندك..حساب..نصبر على هجرك وربي يهينك!!!

ياكثر حبي لك وياكثر مغليك وياكثر مالك في ضميرى معزه ياأبن خضير

ليه أحس اني وانا اشوفك حزين قلبي الليله بهمي ممتلئ
كانهــ الفرقاء طلبتك حاجتين لا تعلميني ولا تكذب علي
خلني ما بين شكي واليقين ما يهم رضاي عنك و زعلي
باكرا اللي خافي لازم يبين والوعد بلقى مكانك به خلي
انتظر لي ليلة او ليلتين لين ما يقفي السحاب و ينجلي
ولا طويت اليأس بذرف دمعتين للهوى الغالي و بوادع هلي
صاحبي بموت من كثر الحنين خلني اختار لحظة مقتلي

أصعب من الجرح.......... والـتقصيّر .. و إهمالك ..! لا صرت .. [ عـارف ] .. غيابك كيف تأثيرهـ ..! *

اشهد انك قاسي(ن)يومك هجرت
واشهداني في محبتكـم وفيـت
مانسيتك حتى اقول اني ذكـرت
ولاسليتك حتى اقول اني سليت
كل ماسجيت بعيونـي حضـرت
عايش(ن)في قلبي اللي به ربيت
جيتني من بعدماغبت وظهـرت
والأماني بين حي وبيـن ميـت
كيف ياخلي على قلبـك قـدرت
طاوعك قلبك علـي ولا نسيـت
انتظرتك وانتظرتـك وانتظـرت
ويوم ضاع العمرقلي ليه جيـت

تباعدنا.. وحنا يازمن أحباب... عيون تنتظر موعد.. وقلب للقاء.. مشتاق!!

ياصاحبي قلها علـى شـان ترتـاح
الكلمـة اللـي توجـع القلـب قلهـا
قلها عسى همك مـع الليـل ينـزاح
وتفـارق الضيقـة وتلقـى بدلهـا
اطلق عنـان السالفـه سدهـا بـاح
الى متى من دون صـوت تختلهـا؟